"Гудамжны гэрэл зургийн мастеруудаас сурсан 100 хичээл" цуврал нийтлэлийн сүүлийн дугаар та бүхэнд хүрч байна. Уншигчдын анхаарлыг албаар татах гэж биш, үнэхээр л гол санааг нь шууд илэрхийлэхийг зорьсон учир зарим нийтлэл эгдүүцлийг тань хүргэсэн байж мэднэ. Гэсэн ч энэ хугацаанд багагүй хүнд урам өгсөн хэмээн итгэж байна.

Этгээд, заримдаа тэрслүү ч гэмээр цуврал маань дуусахад ердөө ганцхан нийтлэл үлджээ. Энэ удаа гэрэл зургийн бүтээлээ хэвлэхийн ач холбогдол төдийгүй уран бүтээлч хүн ирээдүйгээ хэрхэн төсөөлөх хэрэгтэй зэрэг агуулгыг бэлтгэлээ. Таалагдвал бусдадаа хуваалцаарай.

Өнгөт зураг авах бол зүгээр ч нэг чимэглэл төдий зүйл биш. Харааны баяслаас илүү сэтгэл зүйн хувьд ч асар гүнд орших мэдрэмжийг ил болгодог. Гэрэл зурагчин Жоел Майровитц өнгө хэрхэн мэдрэмж, дурсамж, амьдралын хором мөчийг өдөөж сэргээдэг болохыг ийн тайлбарлажээ.

Тиймээс гол анхаарлаа алдаршихад бус, ажлынхаа үнэ цэн, чанарт хандуул. Жинхэнэ уран бүтээл эрт орой хэзээ нэгэн цагт танигдах нь гарцаагүй. Одоо хийж буй зүйл тань юуны төлөө гэж? хэмээн өөрөөсөө асуугаарай.

Аливаа түүх эхлэл, өрнөл, төгсгөлтэй байх ёстой. Гэвч гэрэл зураг цаг хугацааг тэнд нь царцааж орхидог учраас ганц зургаар бүтэн түүхийг өгүүлэх бараг л боломжгүй.

Жинхэнэ мастер гэрэл зурагчид янз бүрийн тохиргоог умартаж, оронд нь зургаараа дамжуулж юу хэлэх гээд байгаадаа л онцгойлон анхаардаг аж.

Сайн уран бүтээл хүмүүсийг тухтай нөхцөл байдлаас нь гаргаж жигшлийг дээд хэмжээнд хүргэх хүчтэйгээс гадна аливаа бүхний цаана нь орших утга санааг бодогдуулах, мэдрүүлэх хүчтэй. Хэн ч таныг шүүмжлээгүй бол гэрэл зурагчныхаа хувьд та алдсан гэсэн үг.

Магнум агентлагийн гишүүн, гэрэл сүүдрийн мастер Алекс Уэббийн зөвлөгөөг энэ дугаараар хүргэж байна. Түүний 30 гаруй жилийн туршлагын үр дүнд бий болсон "Suffering of Light" цуврал 2011 онд хэвлэгдэн гарч байжээ.

Аливаа бүхэн зэрэгцэн оршиж байдгийн учир сайн мууг хослуул. Үргэлжид “хамгийн сайн” нь байх гэж битгий хичээ.

Жишээ нь, Бразил улсын гэрэл зурагчин Sebastião Salgado-ийн "Genesis" цуврал 2004 оноос 2011 он хүртэл үргэлжилсэн байдаг.