Шинэхэн талбайдаа анх удаа зохиогдож байгаа ч 22 жилийн баялаг түүхтэй Playtime Festival маань догдлол, хүлээлтээр дүүрэн эхэлж байна. Жил бүрийн наадам нижгэр өргөн болохын зэрэгцээ гаднын томоохон хамтлаг, уран бүтээлчдийг монголын сонсогчдодоо хүргэдэг билээ. Монгол гэрийн бүтцээс санаа авч дугуй хэлбэрийг сонгон талбайгаа зохион байгуулсан нь ч үнэхээр оносон хэрэг байв. Playtime Festival-ийг зорих оролцогчдын тоо жил бүр нэмэгдсээр ирсэн ба энэ жилийн хувьд зохион байгуулалт, байгальд ээлтэй шийдлүүдийг магтах оролцогчид цөөнгүй байсныг онцолъё. Ингээд дурсамжит дөрвөн өдрийн эхний өдрийг эргэн дурсаж гэрэл зургийн цомгоо тухлан үзээрэй.