Дэлхий өнцөг булан бүрд мөрөөдөл, зорилго, хайр, тэвэр дүүрэн итгэл тээсэн сая сая зүрх цохилно. Тэдгээр зүрх бүхэн хорвоо ертөнц дэх эрээн бараан, гэрэл гэгээтэй бүхнийг өөрийнхөөрөө ойлгож, бас бусдад илэрхийлэх аж. Тэгвэл Улаанбаатар хотын гудмаар алхаж яваа хүмүүс хайрыг хэрхэн тодорхойлсныг гэрэл зурагчин Б.Саруул дэлгэн харуулахыг эрхэмлэжээ. Түүний дурандаа буулгасан, инээмсэглэл цацруулсан дүрүүдийн хайрын "хэл"-ийг энэхүү цувралаас тольдоорой. 

Хайрыг та юу гэж боддог вэ?

Хорвоогийн амьтан бүхнийг хайрлах нь жинхэнэ хайр юм.

Желелхан, 71 настай

Хайр бол мөнхийн үргэлжлэх зүйл.

Баатар, 82 настай

Би хайрыг мэдрэх үедээ өөрийн эрхгүй инээмсэглэж эхэлдэг. Халуун дулаан мэдрэмжийг хайртай хүмүүс минь мэдрүүлдэг учраас аз жаргалтай болдог. 

Намуун, 16 настай

Ургуулж чадвал сүүдэрт нь ч жаргах модыг хайр гэдэг. 

Өсөхбаяр, 18 настай

Гэгээн тунгалаг хиргүй сайхан сэтгэлийг хайр гэнэ. 

Нансалмаа, 56 настай

Хайр бол халамжлах сэтгэл. 

Оюун-Эрдэнэ, 38 настай

Хайр бол санах сэтгэл.

Бат-эрдэнэ, 25 настай

Хүмүүс нэг нэгнээ санах сэтгэлийг хайр гэх байх.

Хуанган, 24 настай

Хайр гэж аавыг хэлнэ. Хэзээ ч дутахгүй хайраар хайрлаж өвдөхөд өөрийгөө буруутгаж амжилт бүр дээр хүүхэд шиг баярлаж миний хувьд хайр гэж аавыг л хэлнэ. Үгээр илэрхийлэхийн аргагүйгээр хайрлаж хамгаалдаг тэр хүн.

Ариука, 20 настай

Хайр гэдэг гарт баригдахгүй ч сэтгэлд мэдрэгддэг зүйл юм аа. 

Болд-эрдэнэ, 24 настай

Үргэлжлэл бий...