Бүтээлүүдийнхээ тайлбарт "Агнистын гэгээ" цуврал боть номоос эш татсан нь тухайн зургийн утга учир, мөн чанарыг төвөггүй ойлгох боломжийг олгожээ. Л.Доржбат зураачийн бүтээлүүдэд будда болон эмэгтэй хүний төрх багагүй дүрслэгдэх аж. Төгс гэгээрэл, бурханч сэтгэлгээ, тунгалаг ариун оюун гэдэг хүршгүй холд бус өөрийн дотор үргэлж хамт яваа. Гагцхүү түүнийг танин сэрж, ухаарч мэдрэх нь чухал гэдгийг бүтээл бүрийн тайлал, дүрслэлд илэрхийлжээ.