“Fly Freely” буюу "хязгааргүй нисэх” хэмээх концептийг баримтлан өвөрмөц аргаар бүтээлээ туурвидаг тэрээр багаасаа л нисэхийг мөрөөдөж ирсэн гэнэ. Газраас хөндийрч, тэнгэрт нисэх бол хязгааргүй эрх чөлөө, оюун санааны амралт. Хүмүүс нисэж чаддаг бол амьдрал шинэ боломж, оюун санааны хөгжил, амар тайван байдлаар тасрахгүй. Ихэнх зургуудыг нь харвал өөрөө оролцсон байх нь бий. Хятадын соёлыг сюрреал нисэх үйлдэлтэй хослуулснаар түүний бүтээлүүд хүн төрөлхтний ​​оршин тогтнол, ирээдүйн боломжуудын талаар эргэцүүлэн бодоход түлхэц өгөх зорилготой юм. 

Харин техникийн хувьд бодит орон зайд тросс, толь, бэхэлгээ ашиглан "speedshot" зураг авалт хийж, фотошопоос илүүтэй бодит эффект ашиглан эдит хийдэг байна.

Нью-Йорк, Парис, Венец, Лондон, Бээжин зэрэг дэлхийн томоохон хотуудад үзэсгэлэнгээ гаргасан ба “Mirroring”(2005-2007) болон “Falls”(2006-2007) зэрэг цуврал зургууд нь олон улсын арт фестивалиудад өндөр үнэлгээ авч байжээ. 2024 онд ч мөн шинэ, гайхалтай бүтээлүүдээ олон нийтэд танилцуулсныг түүвэрлэн хүргэж байна. 

Уран бүтээлч Ли Вэйгийн албан ёсны вебсайт: www.liweiart.com