HK Open Printshop (HKOP) 25 жилийн ойгоороо Central дэх PMQ-д Print Art Contemporary нэртэй үзэсгэлэнг 2025 оны 02 сарын 22-оос 8 сарын 31 хүртэл зохион байгуулж, уламжлалт товгор хэвлэлийн (letterpress) иж бүрэн сан, тоног төхөөрөмж, сургалтын хөтөлбөрүүдийг олон нийтэд нээлттэй болгожээ.

HK Open Printshop (HKOP) нь Хонг Конг хотод үйл ажиллагаа явуулдаг хэвлэмэл урлагийн төв бөгөөд студи, лаборатори, архив, үзэсгэлэнг нэгтгэсэн боловсрол, судалгааны хөтөлбөрөөрөө танигдсан. Уламжлалт товгор хэвлэл, бар хэвлэлийн аргачлалыг орчин үеийн технологитой хослуулан олон нийтэд нээлттэй сургалт, воркшоп, хамтын төсөл хэрэгжүүлдэг байгууллага юм.

Тугалгаар хэвлэх (Letterpress)

Letterpress бол товгор гадаргуутай үсэг, дүрсийг бэхлээд цаасан дээр даралттайгаар дарж хэвлэдэг аргыг хэлдэг. Бидний дунд яригддаг дармалдах, дармал бичиг гэдэг нь энэ аргын нэршлээс гаралтай байж. Цагаан тугалга, хайлш нь бага температурт хайлдаг, цутгаад хөрснийхөө дараа хатуу болж, хурц ирмэгээ хадгалж үлддэг учраас нарийн детальтай дизайн, жижиг хэмжээтэй үсэг хийхэд тун тохиромжтой.

Ханзтай ажиллахын онцлог

Дэлхийн бусад хэл, бидний ашигладаг цагаан толгойн үсгээс онцлогтой нь ханзны тоо,  асар олон хувилбартай. Бид 26-35 өөр үсэг ашиглан үг бүтээж уншдаг бол дүрс үсэг болох ханз ашигладаг хэлээр сонины нэг нийтлэл бичихэд 2–3 мянга орчим ханз ашиглагддаг. Харин уншигчдын ихэнх нь дунджаар 3–4 мянган ханз мэддэг байна. 

Ийм их хувилбартай дүрс үсгээр нэг бүрчлэн өрж эх бэлдэх ямар байхыг төсөөлөхийн аргагүй. Ханз бүр олон фонтын сонголттой, бүх хэмжээгээр цутгагдаж хийсэн байхыг харахад цаана нь хэр хэмжээний хөдөлмөр зориулсныг үгээр илэрхийлшгүй байв.

Тийм учраас Хятадын Letterpress технологи өөрийн гэсэн онцлогтой. Үсгийн агуулах нь хэмжээ, зураасны төрлөөр ангилагдах “түргэн олох” систем нарийн зохион байгуулалттай, хэвлэгч буюу typesetter-ийн ажиллагаа илүү нарийн, нягт нямбай, байдаг юм байна.  

“Hkop / Print Art Contemporary, Pmq, Hong Kong, 2025”