Монгол Улсад суугаа Европын Холбооны Төлөөлөгчийн газар болон “Урлагийн давлагаа” НҮТББ хамтран “Европын кино наадам 2026”-г 6 дугаар сарын 23–27-ны өдрүүдэд Өргөө 3 IMAX, Шангри Ла салбарт  зохион байгуулах гэж байна. Таван өдрийн турш үргэлжлэх энэхүү наадмын хүрээнд Европын 13 улсын 13 шилдэг киног олон нийтэд өргөн дэлгэцээр үнэ төлбөргүй толилуулах ба наадмаар Монголын үзэгчид Европын кино урлагийн өнгө төрхийг мэдрэхийн зэрэгцээ, дэлхий дахинаа тулгарч буй олон асуудлуудыг хөндсөн дуу хоолой, гүн гүнзгий илэрхийлэлтэй кино урлагаар дамжин танилцах боломж бүрдээд байна. Үүнд гэр бүлийн харилцаа, өсвөр нас, хөгжлийн бэрхшээлтэй иргэн, байгаль хамгаалал, сошиал хэрэглээ, өөрийгөө олж нээх зэрэг өнөөгийн нийгмийг тольдсон олон сэдэвт бүтээлүүд багтсаныг онцлууштай.

 Нээлтийн үзвэрээр 2025 оны Хессений Кино Урлагийн “Шилдэг дэлгэцийн бүтээл” шагналт ХБНГУ-н найруулагч Миа Маариэль Майер-н  “Сэлэлтийн урт” (22 Lengths) бүтээл 6-р сарын 23 ны өдөр 19:30-аас толилуулагдана.  

Австри, Болгар, Герман, Грек, Дани, Итали, Словени, Нидерланд, Польш, Финланд, Швейцар, Швед, Франц зэрэг улсуудын сор болсон, олон  жанрын кино бүтээлүүдийг албан ёсны эрхтэйгээр хүргэж буй тус наадамд кино сонирхогч та бүхнийг хүрэлцэн ирэхийг урьж байна.

Хэзээ: 2026 оны 06-р сарын 23-27-ны өдрүүдэд

Хаана: "Өргөө 3" IMAX кино театр (Shangri-La Mall)

Кино сонирхогчид та бүхнийг хүрэлцэн ирж, Европын шилдэг бүтээлүүдийг өргөн дэлгэцнээ үзэхийг урьж байна.

Хөтөлбөрийн дэлгэрэнгүйг: @eurofilmfestmongolia